Martin J. B. Swift

Kennarakvikan

Kennarakvikan er vettvangur fyrir kennara til að deila og vinna saman að þróun efnist tengdu kennslu. Hugmyndin kviknaði út frá starfi mínu við Nýmennt á árunum 2023-24 og fór svo í kynningu árið 2025. Á vefnum er að finna ýmislegt efni, aðallega tengt náttúruvísindakennslu, en hann er opinn öllum sem vilja nota hann til kennslu.

LÆRT

LÆRT er heitið sem varð fyrir valinu fyrir menntaveislu kennara sem koma að kennslu svokallaðra STEM-greina (dregið af lærdómssamfélagi raunvísinda- og tæknigreinakennara). Hugmyndin að bjóða upp á viðburð í ætt við Utís, en með áherslu á náttúruvísindi eða náttúruvísindi og stærðfræði hafði lúrt meðal ýmissa aðila í allnokkur ár en raungerðist í tenglsum við aðkomu mína að Science on Stage Ísland fyrir hönd Nÿmenntar. Markmiðið var að bjóða raunvísinda- og tæknigreinakennurum upp á viðburð til að hittast, mynda tengsl og læra hvert af öðru.

Þrátt fyrir að ekki fékkst fé fyrir áframhaldandi verkefnastjórastöðu Lærdómssamfélag raunvísinda- og tæknigreinakennara ákvað ég að það væri rangt að slaufa viðburðinum sem margir kennarar höfðu sýnt mikinn áhuga. Úr varð afar farsæl ráðstefna kennara, LÆRT 2025, í Borgarnesi dagana 13.-15. nóvember 2025.

Náttúrutorgið

Náttúrutorgið er verkefni sem sett var af stað vorið 2011 af Svövu Pétursdóttur. Að því hefur komið nokkur hópur, ekki síst Ester Ýr Jónsdóttir, sem skipulagði námskeið og aðra viðburði á vettvangi Náttúrutorgsins um nokkurra ára skeið.

Aðkoma mín að Náttúrutorginu hófst 2023 þegar ég hóf störf sem verkefnastjóri eflingar rauvísinda- og tæknigreinamenntunar. Töluvert efni var á vef Náttúrutorgsins en ég tók töluvert til á því og uppfærði viðmótið svo það hentaði betur snjallsímum.

Science on Stage

Á tveggja ára fresti eru haldin alþjóðleg ráðstefna náttúruvísindakennara, Science on Stage Festival, en ég hef komið að aðstoð og undirbúningi þátttakenda frá Íslandi í gegnum Science on Stage Ísland.

SamSTEM

SamSTEM verkefnið er samstarfsverkefni HA, HÍ og HR um fjölgun brautskráninga úr STEM greinum á háskólastigi. Ég var verkefnastjóri verkefnisins 2023-25 og skipulagði m.a. heimsóknir SamSTEM hópsins í eða fundi með öllum framhaldsskólum landsins sem bjóða upp á náttúrufræðibraut. Hópurinn deildi niðurstöðum með framhaldsskólafólki og miðlaði til ráðuneyta. SamSTEM verkefnið stóð einnig fyrir fundum með ráðuneytum mennta- og háskóla.

Verkefnið er enn starfandi og stefnir SamSTEM hópurinn á að endurtaka heimsóknir í framhaldsskólana haustið 2026.

Vísindakakó

Vísindakakó var verkefni okkar Davíð Fjölnis, samskiptastjóra Rannís, en við fengum styrk úr Vísindi og velferð, styrktarsjóði Sigrúnar og Þorsteins, til að halda 10 viðburði veturinn 2024-25 þar sem vísindafólk mætti á bókasöfn og átti þar opið og óformlegt samtal um vísindaleg málefni.

Vísindasmiðja Háskóla Íslands

Árin 2016-2023 starfaði ég sem verkefnastjóri við Vísindasmiðju Háskóla Íslands. Þar sinnti ég mótttöku skólahópa, þjálfun starfsfólks, viðhaldi og þróun á uppstillingum, skipulagningu og framkvæmd vísindaveisla, þróun og framkvæmd kennarasmiðja, og hönnun, uppsetningu og efnisgerð á heimasíðu Vísindasmiðjunnar.

Áður en ný heimasíða Vísindasmiðjunnar leit dagsins ljós árið 2018 safnaði ég hugmyndum að efni og efnistökum og stök sinnum setti ég inn hugleiðingar mínar tengdar Vísindasmiðjunni og Háskólanum.

Kennsla

Um nokkurra ára skeið leiðbeindi ég í verklegum tímum í Eðlisfræði. Á heimasíðu Ara Ólafssonar má finna frekari upplýsingar um skipulagið námskeiðanna en að gefnu tilefni tók ég að setja saman smá texta um verklega eðlisfræði. Efnið er skrifað fyrir nemendur á háskólastigi, en duglegir framhaldsnemendur ættu að geta haft eitthvað gagn af þessu.

• Haust 2016: Eðlisfræði 1R
• Vor 2016: Eðlisfræði 2
• Haust 2015: Eðlisfræði 1
• Vor 2012: Eðlisfræði 2
• Haust 2012: Eðlisfræði B
• Haust 2011: Eðlisfræði 1
• Vor 2011: Eðlisfræði 2
• Haust 2010: Eðlisfræði 1 og Eðlisfræði B
• Vor 2010: Eðlisfræði 2
• Haust 2009: Eðlisfræði B

Háskólalestin

Ég hef tekið þátt í Háskólalestinni síðan í vorlok 2011 þegar ég fór slóst í för með Ara, Guðrúnu og genginu á Skagaströnd. Sjá myndir frá ferðinni.

Eðlisfræðifélag Íslands

Ég sat í stjórn Eðlisfræðifélags Íslands á árunum 2013-25 og sá meðal annars um heimasíðu félagsins.

Landskeppnin í eðlisfræði og IPhO

Snemma á vori ár hvert er haldin keppni í eðlisfræði fyrir nemendur á framhaldsskólastigi. Undankeppnin fer fram í framhaldsskólum og er svo þeim sem best standa sig boðið í lokakeppnina sem fer fram nokkrum vikum síðar í húsnæði Verkfræði- og náttúruvísindasviðs Háskóla Íslands.

Ég hef sterkar taugar til keppninnar en ég fór sjálfur sem keppandi á IPhO XXXI í Leicester árið 2000. Síðar þegar ég var í háskólanámi aðstoðaði ég við framkvæmd keppninnar. Löngu síðar kom ég að þjálfun íslenska liðsins í ólympíukeppninni í eðlisfræði og fór út sem annar liðsstjóra árin 2011 og 2012.

Í tengslum við þjálfunina tók ég saman yfirlit yfir eðlisfræðikeppnir sem var á gömlu gömlu raunvis síðunni minni og fer líklega á endanum yfir á síðu Eðlisfræðifélagsins um keppnina.

Háskóladagurinn

Upplýsingar um efni sem nemendur undirbjuggu og fluttu á Háskóladaginn 2011.